کراچی ۔ پاکستانی کرکٹ ٹیم کے سابق کپتان شعیب ملک نے چمپئنز ٹرافی2025 کے لیے ہندوستانی کرکٹ ٹیم سے پاکستان کا دورہ کرنے کی پرزور درخواست کی ہے۔ سابق کپتان شعیب ملک نے نجی میڈیا گروپ کے یوٹیوب چینل سے گفتگو میں انہوں نے اپنے کیرئیر، مستقبل کے منصوبوں اور ٹیم میں کپتانی کے معاملے پرکھل کر بات چیت کی اور اپنے خیالات کا اظہار بھی کیا۔ خیال رہے کہ چمپئنز ٹرافی 2025 کے لیے ہندوستانی کرکٹ بورڈ اپنی ٹیم کے پاکستان آنے کے راستے میں موجود رکاوٹوں کی بات کی ہے ۔ دوران پروگرام جب میزبان نے اسی حوالے سے شعیب ملک سے سوال کیا تو انہوں نے ہندوستانی ٹیم پر کھیل اور سیاست کو دور رکھنے اور پاکستان کا دورہ کرنے پر زور دیا۔ انہوں نے کہا کہ پاکستان کرکٹ ٹیم نے ورلڈکپ 2023 کے لیے ہندوستان کا دورہ کیا تھا، اب وقت آگیا ہے کہ ہندوستان بھی پاکستان کا دورہ کرے۔ شعیب ملک نے زور دیتے ہوئے کہا کہ دونوں ممالک کے درمیان جو بھی تحفظات ہیں، وہ اپنی جگہ لیکن کھیل کے درمیان سیاست نہیں آنی چاہیے۔ سیاست کو کھیلوں سے دور رکھیں اور پاکستان کا دورہ کریں ہم اچھے لوگ ہیں، بہت مہمان نواز ہیں۔
