دبئی ۔ ویسٹ انڈیز کے سابق آل راونڈر مارلن سیموئلز انٹرنیشنل کرکٹ کونسل (آئی سی سی) کے اینٹی کرپشن کوڈ کی خلاف ورزی کے مرتکب قرار پائے ہیں۔ابوظبی میں ٹی ٹین لیگ 2019 میں سیموئلز نے قانون کی 4 شقوں کی خلاف ورزی کی۔ آزاد ٹریبونل اب سزا کا فیصلہ کرے گا جس کا اعلان بعد میں کیا جائے گا۔ویسٹ انڈیز کی ٹیم دو مرتبہ ٹی ٹوئنٹی کی عالمی چمپئن بنی اور دونوں مرتبہ فائنل کے ہیرو مارلن سیموئلز رہے لیکن اب انہوں نے ویلن کا روپ دھارلیا ہے۔ ابوظبی میں ٹی ٹین لیگ 2019 میں انہیں انٹرنیشنل کرکٹ کونسل کے اینٹی کرپشن کوڈ کی 4 شقوں کی خلاف ورزی کا مرتکب قرار دیا گیا ہے۔ ان پر 2021 میں تحقیقات میں تعاون نہ کرنے، متعلقہ معلومات چھپانے کا الزام ہے ۔
