ممبئی: امریکہ میں مہنگائی کی سست رفتاری اور چین کا معاشی منظر نامہ میں بہتری آنے سے عالمی مارکیٹ میں تیزی کی بدولت مقامی سطح پر مالیاتی خدمات، ٹیلی کام، آٹو، بینکنگ اور تیل اور گیس سمیت چودہ گروپوں میں خریداری دیکھی گئی جس کی وجہ سینسیکس اور نفٹی آج دن کی گراوٹ سے نکلتے ہوئے تیزی کے ساتھ بند ہوئے ۔بی ایس ای کا 30 حصص کا حساس انڈیکس سینسیکس 248.84 پوائنٹس بڑھ کر 61872.99 پوائنٹس اور نیشنل اسٹاک ایکسچینج (این ایس ای) نفٹی 74.25 پوائنٹس چڑھ کر 18403.40 پوائنٹس پر پہنچ گیا۔ اسی طرح بی ایس ای مڈ کیپ 0.08 فیصد بڑھ کر 25,498.01 پوائنٹس اور اسمال کیپ 0.01 فیصد بڑھ کر 29,058.35 پوائنٹس پر پہنچ گیا۔اس عرصے کے دوران بی ایس ای پر مجموعی طور پر 3635 کمپنیوں کے حصص کا کاروبار ہوا جن میں سے 1671 خریدے گئے 1840 میں فروخت ہوئے جبکہ 124 میں کوئی تبدیلی نہیں ہوئی۔ اسی طرح این ایس ای پر 36 کمپنیاں سبز رنگ میں بند ہوئیں جبکہ باقی 14 سرخ نشان پر بند ہوئیں۔بی ایس ای پر چودہ گروپ سبز رنگ میں تھے ۔ اس دوران کموڈٹیز 0.33، فنانشل سروسز 0.51، ٹیلی کام 0.79، یوٹیلیٹیز 0.53، آٹو 0.75، بینکنگ 0.70، کنزیومر ڈیوربلز 0.38، آئل اینڈ گیس 0.99، پاور 0.45، ٹیک 0.44 فیصد اور سروسز گروپ میں 0.44 فیصد اضافہ ہوا۔
