لارنس بشنوئی گینگ کے مفرور مجرم پرہریانہ میں کئی سنگین الزامات
نئی دہلی ۔ 26؍اکتوبر( ایجنسیز )سی بی آئی نے ایک بار پھر بڑی کامیابی حاصل کی ہے۔ وزارت خارجہ اور وزارت داخلہ کے تعاون سے ایجنسی نے لارنس بشنوئی گینگ سے وابستہ ایک مفرور مجرم لکھویندر کمار کو کامیابی کے ساتھ امریکہ سے ہندوستان واپس لائی ہے۔لکھویندر کمار کو ہریانہ میں کئی سنگین الزامات کا سامنا ہے جن میں فائرنگ، بھتہ خوری، دھمکیاں، غیر قانونی ہتھیار رکھنے اور قتل کی کوشش کے الزامات شامل ہیں۔ ہریانہ پولیس کافی دنوں سے اس کی تلاش میں تھی۔سی بی آئی نے 26 اکتوبر 2024 کو انٹرپول کے ذریعہ لکھویندر کمار کے خلاف ریڈ کارنر نوٹس جاری کیا۔ یہ نوٹس بین الاقوامی سطح پر تمام ممالک کی پولیس ایجنسیوں کو مفرور مجرموں کا سراغ لگانے کے لیے بھیجا جاتا ہے۔لکھویندر کو امریکہ سے ڈی پورٹ کیا گیا اور 25 اکتوبر 2025 کو ہندوستان لایا گیا۔ اسے ہریانہ پولیس کی ٹیم نے دہلی ایئرپورٹ پر حراست میں لے لیا۔ خبروں کے مطابق اب اسے سیدھے ہریانہ لایا جائے گا جہاں اس کے خلاف درج مقدمات کے سلسلے میں ان سے پوچھ گچھ کی جائے گی۔سی بی آئی ہندوستان میں انٹرپول کے نیشنل سینٹرل بیورو کے طور پر کام کرتی ہے اور بھارتپول نیٹ ورک کے ذریعے ملک بھر کی ایجنسیوں کو جوڑتی ہے۔ سی بی آئی نے کہا کہ گزشتہ چند سالوں میں 130 سے زیادہ مفرور مجرموں کو انٹرپول کے ذریعہ ہندوستان واپس لایا گیا ہے۔