نئی دہلی: عام آدمی پارٹی (عآپ ) کی رکن پارلیمنٹ سواتی مالیوال نے جمعہ کو کہا کہ وزیر اعلیٰ کی رہائش گاہ پر ان کے ساتھ بدسلوکی کے ملزم کو بچانے کی کوشش کی جا رہی ہے ، لیکن وزیر اعلیٰ کی رہائش گاہ کے اندر موجود سی سی ٹی وی فوٹیج کی تحقیقات ہوتے ہی حقیقت سب کے سامنے آجائے گی۔کسی کا نام لیے بغیر مالیوال نے کہا کہ اس واقعہکی ایک نامکمل ویڈیو پوسٹ کرکے جرم کے مرتکب کو بچانے کی کوشش کی جارہی ہے ۔انہوں نے کہا کہ ہر بار کی طرح اس بار بھی اس سیاسی ہٹ مین نے خود کو بچانے کی کوشش شروع کر دی ہے ۔ سیاق و سباق کے بغیر آدھی ویڈیو چلا کر، یہ سوچتا ہے کہ اس جرم کے ارتکاب سے وہ خود کو بچا لے گا۔ کیا کوئی کسی کو مارنے کی ویڈیو بناتا ہے ؟ گھر کے اندر کی سی سی ٹی وی فوٹیج اور کمرے کی جانچ پڑتال کے بعد حقیقت سب کے سامنے آجائے گی۔آپ کی لیڈر نے کہا ”جتنا ہو سکے گرو، خدا سب کچھ دیکھ رہا ہے ۔ ایک نہ ایک دن دنیا کے سامنے حقیقت آشکارا ہو جائے گی۔محترمہ مالیوال کے ساتھ بدسلوکی کے حوالے سے سوشل میڈیا پر ایک ویڈیو سامنے آیا ہے ۔ یہ ویڈیو وزیر اعلیٰ کی رہائش گاہ کے اندر کا بتایا جا رہا ہے ، حالانکہ ابھی تک اس کی تصدیق نہیں ہو سکی ہے ۔ ویڈیو میں دیکھا جا سکتا ہے کہ محترمہ مالیوال ایک ہال کے اندر بیٹھی ہیں جہاں کچھ سیکورٹی اہلکار انہیں باہر جانے کے لیے کہہ رہے ہیں۔ محترمہ مالیوال یہ کہتے ہوئے ناراض ہیں کہ انہوں نے دہلی پولیس کو بلایا ہے ۔ پولیس کے آنے کے بعد وہ یہاں سے چلی جائیں گی۔قابل ذکر ہے کہ مالیوال 13 مئی کو وزیر اعلی اروند کیجریوال سے ان کی رہائش گاہ پر ملنے گئی تھیں۔
