حیدرآباد۔ محبت کی آڑ میں شادی کا جھانسہ دے کر لڑکی کی عصمت ریزی کرنے والے ملزم کو عدالت نے 10 سال کی سزا اور 50 ہزار روپئے جرمانہ عائد کیا۔ یہ واقعہ مئی 2015 میں ترکا پلی پولیس حدود میں پیش آیا۔ متاثرہ لڑکی جس کی عمر 20 سال تھی اس نے پولیس میں شکایت کی تھی۔ فاسٹ ٹریک کورٹ نے اس مقدمہ میں فیصلہ سناتے ہوئے 25 سالہ بھکشاپتی ساکن ایرویلی منڈل جگدیو پور کو 10 سال کی سزا اور 50 ہزار روپئے جرمانہ عائد کیا۔ بھکشا پتی نے اس لڑکی سے شادی کا وعدہ کیا اور اس کو اپنی موٹر سیکل پر پہلے ورنگل لے گیا اور پھر کھمم لے گیا جہاں کرایہ کے مکان میں اس کے ساتھ وابستگی کرتے ہوئے اس لڑکی کو ترکا پلی بس اسٹاپ پر چھوڑ دیا۔ لڑکی نے پولیس میں شکایت کی تھی۔ پولیس نے اس سلسلہ میں چارج شیٹ پیش کردی اور عدالت نے آج فیصلہ سنایا۔
