واشنگٹن : امریکی سنٹرل کمانڈ نے پیر کے روز اعلان کیا ہے کہ اس کی فورسز نے ہفتے کے روز شمالی شام میں ہیلی کاپٹر پر حملہ کرنے کے بعد داعش کے ایک رہنما سمیت دو شدت پسندوں کو گرفتار کر لیا۔اس نے ایک بیان میں کہا کہ “ابو ھلیل الفدعانی جو شام میں داعش کے آپریشنز اور سہولت کار افسر ہیں کو چھاپے کے دوران گرفتار کیا گیا۔”انہوں نے مزید کہا کہ “یہ اندازہ لگایا گیا ہے کہ الفدعانی کے علاقے میں تنظیم کے پورے نیٹ ورک میں تعلقات ہیں۔”امریکی سینٹرل کمانڈ کے ترجمان ٹرائے گارلوک نے کہا کہ “الفدعانی جیسے داعش کے اہلکاروں کی گرفتاری سے دہشت گردوں کو تلاش کرنے، انہیں نشانہ بنانے اور انہیں میدان جنگ سے ہٹانے کی ہماری صلاحیت میں اضافہ ہوگا “۔بیان میں مزید کہا گیا کہ آپریشن کے دوران کوئی شہری ہلاک یا زخمی نہیں ہوا۔گرفتار شدگان میں سے ایک عراقی اور دوسرا شامی ہے۔اتوار کو سیریئن آبزرویٹری فار ہیومن رائٹس نے اطلاع دی ہے کہ داعش کے خلاف بین الاقوامی اتحاد نے شمال مشرقی شام میں تنظیم کے دو رہنماؤں کو گرفتار کیا ہے اور بتایا ہے کہ دونوں رہ نماؤں کی گرفتاری راس العین سے عمل میں لائی گئی۔
