دمشق، 2 ستمبر (یو این آئی) شام نے 14 سالوں میں پہلی بار خام تیل کی کھیپ برآمد کی ہے ۔ گزشتہ روز شام نے ایک تجارتی فرم کے ساتھ معاہدے کے تحت 6 لاکھ بیرل خام تیل برآمد کیا ہے۔ ماہرین کی جانب سے بتایا گیا ہے کہ یہ تیل 14 سال میں پہلی بار طرطوس کی بندرگاہ سے برآمد کیا گیا ہے جب کہ شام نے آخری بار 2010 میں 3لاکھ 80 ہزار بیرل یومیہ تیل برآمد کیا تھا۔ بشار الاسد حکومت کے خلاف ہونے والے مظاہرے تقریباً 14 سالہ جنگ میں بدل گئے جس نے ملک کی معیشت اور بنیادی ڈھانچے کو تباہ کیا۔ تاہم گزشتہ سال دسمبر میں بشار الاسد کا تختہ الٹنے کے بعد نئی حکومت نے معیشت کو بحال کرنے کا عہد کیا تھا۔
