دمشق ۔ 28اپریل (سیاست ڈاٹ کام) شام کے دارالحکومت دمشق کے مضافات میں گزشتہ روز ہونے والے فضائی حملوں میں کم از کم تین عام شہری ہلاک جبکہ چار زخمی ہوئے۔ شام کے سرکاری ٹیلیویژن کے مطابق متعدد راکٹوں کو فضا میں ہی تباہ کر دیا گیا تھا۔ شام حکومت کے مطابق یہ فضائی حملے اسرائیل نے کیے تھے جبکہ اسرائیل نے ان کی تصدیق ابھی تک نہیں کی ہے۔ سیریئن آبزرویٹری فار ہیومن رائٹس کے مطابق ان حملوں میں ایران اور لبنانی تنظیم حزب اللہ کے جنگجوؤں کے ٹھکانوں کو نشانہ بنایا گیا تھا، جس کے نتیجے میں چار جنگجو بھی ہلاک ہوئے۔