ماسکو، 15جولائی (سیاست ڈاٹ کام) شام میں حلب شہر کے دو اضلاع میں دہشت گردوں نے اتوار کو راکٹ سے حملہ کردیا جس میں چھ شہریوں کی موت اور آٹھ دیگر زخمی ہوگئے ۔مقامی میڈیا نے یہ اطلاع دی۔ شام کی سرکاری خبررساں ایجنسی ثنا کی رپورٹ کے مطابق یہ حملے حلب کے منین اور الجدید ضلع میں کئے گئے ۔خیال رہے کہ شام میں 2011سے ہی خانہ جنگی کی صورتحال ہے ۔ شام کی سرکاری فوج کئی اپوزیشن گروپوں اور دہشت گرد تنظیموں سے لڑرہی ہے ۔2017کے آخر میں شامی فوج نے دولت اسلامیہ کے خلاف جیت کا اعلا ن کیا تھا۔ حالانکہ شام کے کئی علاقوں میں دہشت گردوں کے خلاف مہم ابھی بھی جاری ہے لیکن شام میں سیاسی استحکام لانا سب سے اہم ہدف ہے ۔
