ریاض؍ سعودی عرب ۔ 2 نومبر (راست) شاہین گروپ آف انسٹی ٹیوشنز تعلیم کے میدان میں ایک مشہور نام، سعودی عرب اور مشرق وسطیٰ کی مملکت میں اپنی توسیع کا اعلان کرنے کیلئے پرجوش ہے۔ یہ گروپ ریاض میں ایک نیا اسکول شروع کرنے کیلئے تیار ہے جس میں کے جی سے 12 ویں جماعت تک کلاسز کے ساتھ NEET ، JEE اور CA فاؤنڈیشن کیلئے مربوط کوچنگ بھی پیش کی جائے گی۔ ایک وژنری اقدام شاہین گروپ آف انسٹی ٹیوشنز کے چیرمین ڈاکٹر عبدالقدیر نے اس منصوبے کی نقاب کشائی کی۔ نیا اسکول جو مارچ 2025ء میں کام شروع کرنے والا ہے، ملازیا سلیمانیہ میں سے کسی ایک میں واقع ہوگا، جو کہ عمارت اور ایکریڈیشن کے عمل کی تکمیل سے مشروط ہے۔ گروپ کا ریاض کے بعد جدہ اور الخبر میں بھی توسیع کا منصوبہ ہے۔ قیادت اور انتظام سید واعظ احمد کو سعودی عرب اور مشرق وسطیٰ میں گروپ کا منیجنگ ڈائرکٹر مقرر کیا گیا ہے۔ محمد ذکی سعودی عرب کے آپریشنز کے نائب صدر کے طور پر کام کریں گے۔ اسکول جناب سید واعظ احمد کی سربراہی میں ایک مکمل طور پر غیرملکی ملکیت والی کمپنی کے طور پر کام کرے گا۔ فہد صالح الجوریس ایچ آر اور ایڈمنسٹریٹیو ڈائرکٹر کا کردار سنبھالیں گے جبکہ سارہ محمد الشریف ریاض اسکول کی ڈائرکٹر ہوں گی۔ ایک جشن فضیلت یہ اعلان گرینڈ پلازہ ہوٹل، الدباب اسٹریٹ، ریاض میں منعقدہ ایک تقریب کے دوران کیا گیا، جہاں گروپ نے ریاض میں اساتذہ کی خدمات کو مختلف کیٹیگریز میں ایوارڈز سے نوازا ہے۔ تقریب میں شاہین اکیڈیمی دمام کے ڈائرکٹر داؤد چوکلی، ڈائرکٹر اکیڈیمکس عبدالمقیت اور شاہین گروپ آف انسٹی ٹیوشنز کے سی ای او توصیف احمد بھی موجود تھے۔
