دبئی: دبئی کے گلوبل ولیج میں حالیہ تقریب کے دوران بالی ووڈ سوپر اسٹار شاہ رخ خان نے مداحوں سے ملاقات کی جس کی ویڈیوز اور تصاویر سوشل میڈیا پیجز پر وائرل ہو رہی ہیں۔ ایک ویڈیو میں شاہ رخ نے مزاحیہ انداز میں کہا: ’’میں اس سال 60 کا ہونے جا رہا ہوں، لیکن لگتا 30 کا ہوں۔‘‘ ان کے اس تبصرے پر حاضرین نے پرجوش ردعمل کا اظہار کیا۔ شاہ رخ اس وقت سدھارتھ آنند کی فلم ’کنگ‘ کی شوٹنگ کر رہے ہیں، جس میں ان کے ساتھ ان کی بیٹی سہانا خان اور ابھیشیک بچن بھی شامل ہیں۔ تقریب کے دوران شاہ رخ نے فلم کے بارے میں زیادہ تفصیلات بتانے سے گریز کیا لیکن یہ یقین دلایا کہ یہ فلم شائقین کو محظوظ کرے گی۔ شاہ رخ نے تقریب میں اپنی مشہور فلموں ’جوان، دل والے دلہنیا لے جائیں گے، ڈان اور جب تک ہے جاں‘ کے ڈائیلاگ مداحوں کو سنائے اور اپنے مشہور گانوں پر رقص بھی کیا۔ شاہ رخ نے 2023 میں تین کامیاب فلموں سے پردے پر 4 سال کے بریک کے بعد شاندار واپسی کی تھی جبکہ 2024 میں ان کی کوئی فلم ریلیز نہیں ہوئی تھی۔
