کولکتہ : کولکتہ نائٹ رائیڈرز کے شریک مالک شاہ رخ خان نے مبینہ طور پر ٹیم مینٹور گوتم گمبھیر کو اگلے 10 سال تک فرنچائز کے ساتھ رہنے کے لیے ’بلینک چیک‘ کی پیشکش کی تھی۔ روزنامہ جاگرن کی ایک رپورٹ کے مطابق یہ چیک سابق ہندوستانی کرکٹر کو اس وقت پیش کیا گیا تھا جب وہ 2022ء اور 2023ء ایڈیشنز کے لیے لکھنؤ سپر جائنٹس میں بطور سرپرست تھے۔گمبھیر 2024 میں KKR کا حصہ بنے جہاں ٹیم نے فائنل میں جگہ بنائی۔ گوتم گمبھیر کے ہندوستان کے ہیڈ کوچ کا کردار سنبھالنے میں دلچسپی رکھنے کی خبروں کے درمیان رپورٹ میں انکشاف کیا گیا ہے کہ شاہ رخ خان ہندوستان کے سابق اوپنر کو طویل عرصے تک فرنچائز میں رکھنے کا ارادہ رکھتے ہیں۔ دریں اثنا گمبھیر ہندوستان کے ہیڈ کوچ کی نوکری میں بھی دلچسپی رکھتے ہیں۔لیکن اس کیلئے 100 فیصد انتخاب کی ضمانت چاہتا ہے اگر وہ اس کردار کے لیے درخواست بھرتا ہے۔ اگر بی سی سی آئی گمبھیر کو صرف ’امیدواروں‘ میں سے ایک کے طور پر دیکھ رہا ہے تو وہ درخواست نہیں دیں گے۔ یاد رہے کہ بی سی سی آئی کو رکی پونٹنگ، جسٹن لینگر اور اسٹیفن فلیمنگ کی جانب سے ہندوستان کے ہیڈ کوچ کے طور پر راہول ڈریوڈ کی جگہ لینے سے انکار پر ہزمیت کا سامنا کرنا پڑا تھا تاہم بی سی سی آئی کے سیکریٹری جے شاہ نے سابق آسٹریلوی کرکٹرز کو کسی بھی پیشکش کی توسیع سے انکار کیا۔
