برلن ۔ شخٹر ڈونیٹسک اورسیویلا کی ٹیمیں یورپا فٹ بال کپ کے سیمی فائنل میں پہنچ گئی ہیں جبکہ باسل اور وولور ہیمپٹن وانڈرسکی ٹیمیںکوارٹر فائنل راؤنڈ میں ہار کر خطاب کی دوڑ سے باہر ہوگئیں۔ یورپا فٹ بال کپ کا49 واں ایڈیشن جاری ہے ۔ جرمنی میں کے رائن اینرجی اسٹیڈین اسٹیڈیم کولون میں کھیلے گئے یورپا فٹ بال کپ کے تیسرے کوارٹر فائنل میچ میں شخٹر ڈونیٹسک اور باسل کی ٹیمیں آمنے سامنے تھیں جس میں دونوں ٹیموں کے درمیان زبردست مقابلہ دیکھنے کو ملا تاہم شخٹر ڈونیٹسک کی ٹیم نے شاندار کارکردگی کا مظاہرہ کرتے ہوئے باسل کی ٹیم کو 4-1 گول سے شکست دیکر ایونٹ کے سیمی فائنل کے لئے کوالیفائی کرلیا۔ ٹورنمنٹ کے چوتھے اور آخری کوارٹر فائنل میچ میں سیویلا کی ٹیم نے انتہائی سخت مقابلے کے بعد حریف وولور ہیمپٹن وانڈرس کی ٹیم کو1-0 گول سے ہرا کر ٹورنمنٹ کا سیمی فائنل میچ کھیلنے کا اعزاز حاصل کرلیا۔ فاتح ٹیم کی طرف سے بریلا اور لوکاکو نے فی کس ایک گول کر کے اپنی ٹیم کی کامیابی میں اہم کردار ادا کیا۔ بایر لیور کوزن کی طرف سے واحد گول ہورٹز نے کیا۔
