بیجنگ : چین میں ریکارڈ توڑ برفباری کے باعث فصلوں کو شدید نقصان پہنچ رہا ہے، جبکہ دیوار چین نے بھی برف کی چادر اوڑھ لی ہے، مختلف صوبوں میں ان دنوں کولڈ ویو جاری ہے۔چین کے کئی علاقوں میں پارہ منفی 53 ڈگری سے بھی نیچے گر چکا ہے، روزمرہ زندگی شدید متاثر ہو رہی ہے۔وال آف چائنہ کی ویڈیو مقامی میڈیا کی جانب سے جاری کی گئی تھی، جس میں دیکھا جا سکتا ہے کہ شدید سردی اور برفباری کے باعث دیوار چین بھی برف سے متاثر ہو رہی ہے۔چین کے ہیبائی صوبہ کے علاقے قیان آن میں واقع دیوار چین جو کہ دنیا کے عجوبہ میں تصور کیا جاتا ہے، پر جاری برفباری کے بعد دلکش منظر پیش کر رہی ہے۔دوسری جانب چین میں کولڈ ویو نے آئل سیڈ اور سبزیوں کی فصل کو شدید نقصان پہنچانا شروع کر دیا ہے، جبکہ ملک میں کھیرے اور شملہ مرچ کی پیداور متاثر ہو کر 10 سے 20 فیصد تک گر گئی ہے۔چینی ماہرین کے مطابق صوبہ ہنان اور ہوبائی میں تیل دار فصلیں جن میں سویا بینز، ریپ سیڈز اور مونگ پھلی شامل ہیں، گرتے درجہ حرارت کے باعث متاثر ہو رہی ہیں۔میڈیا رپورٹ کے مطابق 30 فیصد تک ریپ سیڈز کی فصلوں کو نقصان پہنچ چکا ہے، جبکہ صوبہ ڑان ڈونگ اور ہنان میں جاری شدید برفباری کے باعث گرین ہاؤسز اور لائیو اسٹاک کے کاروبار کو بھی شدید نقصان پہنچ رہا ہے۔
