ممبئی ، 23 نومبر (ایجنسیز) بالی ووڈ اداکارہ شردھا کپور فلم کے ایک ڈانس سین کی شوٹنگ کے دوران زخمی ہو گئی۔ میڈیا کے مطابق ایک طویل ڈانس سیکوینس ریکارڈ کرتے ہوئے شردھا کے پاؤں کی انگلی میں فریکچر آگیا۔ شردھا نوواری ساڑھی اور روایتی زیورات پہنے ہوئے تھی جب ڈانس کے دوران انہوں نے غلطی سے پورا وزن ایک ہی پاؤں پر ڈال دیا جس کے باعث ان کا توازن بگڑ گیا اور چوٹ لگ گئی۔ حادثے کے بعد ہدایت کار لکشمن اوٹیکر نے شوٹنگ روک دی لیکن شردھا نے اصرار کیا کہ کام جاری رکھا جائے۔ ممبئی واپسی پر انہوں نے مڈ آئی لینڈ میں کلوز اپ اور جذباتی مناظر بھی مکمل کئے۔ تاہم چند گھنٹوں بعد درد بڑھ گیا اور آخرکار یونٹ کو شوٹنگ مکمل طور پر روکنی پڑی۔
