نئی دہلی۔ 4 نومبر (یو این آئی) راجیہ سبھا میں اپوزیشن کے ڈپٹی لیڈر پرمود تیواری نے کانگریس کے رکن پارلیمنٹ ششی تھرور کے خاندانی سیاست پر شائع کردہ مضمون پر گہری ناراضگی اور اعتراض ظاہر کیا ہے ۔ تیواری نے منگل کو یہاں ایک بیان جاری کرتے ہوئے کہا کہ نہرو خاندان کے لیڈران اندرا گاندھی اور راجیو گاندھی نے ملک کے لیے اپنی جانیں قربان کر دیں۔ آخر ہندوستان میں کون سا خاندان نہرو خاندان جیسی وفاداری اور قابلیت رکھتا ہے ؟قابل ذکر ہے کہ تھرور نے خاندانی سیاست پر توجہ مرکوز کرتے ہوئے ایک مضمون لکھا تھا۔ اس مضمون کے ذریعے انہوں نے خاندانی سیاست کے خاتمہ کی بات کی تھی۔ تیواری نے کہا کہ قیادت ہمیشہ میرٹ سے آتی ہے ۔ پنڈت جواہر لعل نہرو اس ملک کے سب سے قابل وزیر اعظم تھے ۔ اندرا گاندھی نے اپنی جان دے کر یہ ثابت کیا۔ راجیو گاندھی نے بھی ملک کی خدمت کرتے ہوئے اپنی جان قربان کردی۔ خاندانی سیاست ہندوستانی جمہوریت کے لیے ایک سنگین خطرہ ہے اور اب وقت آگیا ہے کہ ملک خاندانی سیاست پر میرٹ کو قبول کرے ۔
