لاہور،28 دسمبر (یواین آئی ) پاکستان کے سابق فاسٹ بولر شعیب اختر نے اپنی صحت سے متعلق سوشل میڈیا کی خبروں پر خاموشی توڑ دی۔ شعیب اختر نے اپنے ایکس اکاؤنٹ پر اپنی صحت سے متعلق تمام خبروں کو بے بنیاد قرار دیا۔ انہوں نے کہا کہ سوشل میڈیا پر میری صحت سے متعلق گردش کرنے والی تمام خبریں بے بنیاد اور جھوٹی ہیں۔ میں بالکل صحت مند ہوں، الحمدللہ۔ انہوں نے یہ بھی بتایا کہ سوشل میڈیا پر زیر گردش ویڈیو تین سال پرانی ہے جو ملبورن میں میرے گھٹنے کے آپریشن کے وقت کی ہے ۔شعیب اختر نے مداحوں سے اپیل کی کہ وہ افواہوں پر دھیان نہ دیں اور مستند ذرائع سے معلومات حاصل کریں۔