آئی سی سی کا مینس اور ویمنس پلیئرز آف دی منتھ کے ناموں کا اعلان
دبئی ۔ 15؍ڈسمبر ( ایجنسیز )انٹرنیشنل کرکٹ کونسل (آئی سی سی) نے مینس اور ویمنس پلیئر ز آف دی منتھ کا اعلان کردیا۔آئی سی سی نے ساؤتھ افریقہ کے اسپنر سائمن ہارمر کو پلیئر آف دی منتھ قرار دیا ہے۔ سائمن ہارمر کو نومبر کے مہینے کی کارکردگی پر پلیئر آف دی منتھ کا ایوارڈ دیا گیا ہے۔جنوبی افریقہ کے کھلاڑی نے ہندوستان کے خلاف دو ٹیسٹ میچز میں اہم کردار ادا کرتے ہوئے 17 وکٹیں حاصل کی اور سیریز کے بہترین کھلاڑی کا ایوارڈ اپنے نام کیا۔مینس اور ویمنس پلیئرز آف دی منتھ کیلئے نامزدگیوں کے اعلان میںپاکستان کے نعمان علی بھی شامل تھے۔سائمن ہارمر کے ساتھ پاکستان کے محمد نواز اور بنگلہ دیش کے تیجل الاسلام کو نامزد کیا گیا تھا۔آئی سی سی نے ہندوستان کی شفالی ورما کو آئی سی سی ویمنس پلیئر آف دی منتھ کا قرار دیا۔ انہیں نومبر کے مہینے کے لیے پلیئر آف دی منتھ کا ایوارڈ دیا گیا۔شفالی ورما کے ساتھ تھائی لینڈ کی تھپا چاپوتھاوانگ اور یوایای کی ایشا اوزا کو نامزدکیا گیا تھا۔