اقوام متحدہ، 2 جنوری (سیاست ڈاٹ کام) اقوام متحدہ کے سیکرٹری جنرل انٹونیو گوٹیرس نے کہا ہے کہ وہ مسٹر کم جونگ کے بیان سے فکر مند ہیں۔ انہوں نے شمالی کوریا سے نیوکلیئر اور میزائل تجربات دوبارہ شروع نہ کرنے کی اپیل کی ہے ۔ اقوام متحدہ کے ترجمان اسٹیفن دجارک نے چہارشنبہ کے روز کہا کہ دوبارہ سے نیوکلیئر اور میزائل ٹیسٹ شروع کرنے کے شمالی کوریا کے بیان سے گوٹیرس فکر مند ہیں اور انہوں نے ان سے دوبارہ تجربات شروع نہ کرنے کی اپیل کی ہے ۔ مسٹر گوٹیرس نے دوبارہ مذاکرات شروع کئے جانے کی حمایت کی ہے ۔ مسٹر دجارک نے کہا کہ ‘‘مسٹر گوٹیرس کو ‘ بڑی امید’ ہے کہ شمالی کوریا دوبارہ سے تجربات شروع نہیں کرے گا۔ متعلقہ سلامتی، کونسل کی قراردادوں کے مطابق ہے ۔ انہوں نے کہا، عدم توسیع عالمی جوہری تحفظ کا ایک بنیادی ستون ہے اور اسے محفوظ رکھا جانا چاہئے ’’۔ مسٹر دجارک نے کہا کہ ‘مستقل امن کے لئے سفارتی وابستگی واحد راستہ ہے ’۔ قابل ذکر ہے کہ چہارشنبہ کے روز شمالی کوریا کی میڈیا رپورٹ میں وہاں کے اہم لیڈر کم جونگ نے اس بات کے اشارے دیے تھے کہ وہ نیوکلیئر ہتھیاروں اور طویل فاصلے کے بیلسٹک میزائل کے تجربے پر اپنے اوپر لگائی گئی پابندیوں کا پابند نہیں ہے ۔
