واشنگٹن۔8 اکتوبر۔(سیاست ڈاٹ کام) امریکہ کے اقوام متحدہ میں مستقل نمائندے رابرٹ ووڈ نے کہا ہے کہ شمالی کوریا کے ساتھ نیوکلیئر تنسیخ کے معاملہ پر بات چیت کیلئے امریکہ مکمل طور پر تیار ہے۔ سویڈن میں ہفتہ کو شمالی کوریا کا وفد امریکہ کے ساتھ ملاقات سے باہر ہو گیا تھا۔ یونھاپ میڈیا کے مطابق شمالی کوریا کے حکام نے کہا تھا کہ امریکی اہلکار بغیر کسی تیاری کے آئے ہیں۔امریکی اور شمالی کوریا کے درمیان اس معاملہ میں پہلی بار فروری میں ہنوئی سربراہ مذاکرات کے دوران بات چیت ہوئی تھی۔ووڈ نے کہا کہ سویڈن کی حکومت نے امریکہ اور جنوبی کوریا کو پھر بات چیت شروع کرنے کیلئے مدعو کیا ہے اور اس کیلئے امریکہ تیار ہے ۔امریکہ نے ہفتہ کو شمالی کوریا کے ساتھ نیوکلیئر تنسیخ کے معاملہ پر ہونے والی بات چیت کو بامعنی بتایا تھا جبکہ شمالی کوریا نے اس بات چیت کو ناکام قرار دیا تھا جس کے بعد امریکہ کے حکام نے کچھ نئی پہل کرنے کی بات کہی تھی ۔