پیانگ یانگ : شمالی کوریا نے ملائیشیا کے ساتھ سفارتی تعلقات ختم کر دیے ہیں۔ اس بارے میں سرکاری طور پر اعلان آج جمعے کی صبح کیا گیا۔ ملائیشیا نے ایک شمالی کوریائی شہری کو سترہ مارچ کے دن امریکہ کے حوالے کر دیا تھا۔ یہی قدم پیونگ یانگ کے شدید رد عمل کی وجہ بنا۔ مذکورہ شخص منی لانڈرنگ کے ایک مقدمے میں امریکہ حوالگی کا کیس ہار چکا تھا، جس کے بعد اسے واشنگٹن حکومت کے حوالے کیا گیا۔ پیونگ یانگ نے البتہ اسے امریکی دباؤ کا نتیجہ اور اشتعال انگیز قدم قرار دیا ہے۔
