ممبئی: مہاراشٹر کے وزیر اعلی ایکناتھ شنڈے نے منگل کو کہا کہ میٹرو تھری پروجیکٹ ممبئی والوں کے لیے ایک نئی لائف لائن ثابت ہوگا، جو پبلک ٹرانسپورٹ کی سہولت فراہم کرکے ماحولیاتی توازن کو برقرار رکھنے میں مدد کرے گا۔ شندے اور نائب وزیر اعلیٰ دیویندر فڈنویس نے یہاں آرے کالونی میں ممبئی میٹرو ریل کارپوریشن کی پہلی زیر زمین ٹرین قلابہ-باندرہ ا سپج کوریڈور (ایکوا لائن) ٹرائل رن کا افتتاح کیا۔ اس موقع پر جاپان کے ڈپٹی قونصل جنرل توشی ہیرو کانیکو اور ممبئی میٹرو کے منیجنگ ڈائریکٹر اشونی بھیڈے بھی موجود تھے ۔ شندے نے کہا کہ عام آدمی کے مفادات کو ذہن میں رکھتے ہوئے حکومت ریاست کو آگے لے جانے کے کاموں کو ترجیح دے رہی ہے ۔ انہوں نے کہا کہ میٹرو تھری کی تکمیل کے بعد تقریباً 17 لاکھ مسافر اس میں سفر کر سکیں گے۔
