حیدرآباد /12 جون ( سیاست نیوز ) شوہراور سسرالی رشتہ داروں کی ہراسانی سے تنگ آکر ایک خاتون نے خودسوزی کرلی جو شوہر کی مسلسل ہراسانیوں اور اذیت رسانی سے تنگ آچکی تھی ۔ ایل بی نگر پولیس حدود میں یہ واقعہ پیش آیا ۔ پولیس ذرائع کے مطابق 28 سالہ ڈی سری دیوی جو ایل بی نگر علاقہ کے ساکن ناگراجو کی بیوی تھی ۔ سات سال قبل ان کی شادی ہوئی تھی اور خاتون مزدوری کرتی تھی ۔ اس خاتون کو شوہر کی جانب سے ہراسانی اور سسرالی رشتہ داروں کی جانب سے اذیت رسانی کا سامنا تھا ۔ جس سے تنگ آکر خاتون نے 10 جون کے دن انتہائی اقدام کرتے ہوئے اپنے جسم پر کیروسن ڈال کر آگ لگالی جو علاج کے دوران کل رات فوت ہوگئی ۔ پولیس ایل بی نگر نے مقدمہ درج کرلیا ہے اور مصروف تحقیقات ہے ۔
