ٹی ایم سی سے نکل کر بی جے پی میں شامل ادھیکاری کیخلاف عوام کا غم و غصہ
مدنا پور: ترنمول کانگریس سے استعفیٰ دیکر بی جے پی میں شامل ہونے والے مغربی بنگال کے سابق وزیر شویندو ادھیکاری کے گڑھ میں ترنمول کانگر یس نے شاندار ریالی نکالی۔ ریالی میں شریک عوام نے ادھیکاری کو غدار قرار دیا۔ مغربی بنگال کے مشرقی ضلع مدنا پور میں اس ریالی سے قبل بی جے پی اور ٹی ایم سی کے کارکنوں کے درمیان جھڑپ ہوئی۔ رام نگر کے ٹی ایم سی لیڈر اکھیل گری نے اس ریالی کا انعقاد عمل میں لایا۔ادھیکاری کے حامیوں نے اعلان کیا کہ وہ بھی کل اس ریالی کے جواب میں ریالی نکالیں گے۔ حکمراں پارٹی ترنمول کانگریس نے ادھیکاری کی غداری کا سوال اٹھاتے ہوئے عوام سے کہا کہ وہ اس غدار کو ووٹ نہ دیں۔