کراچی : شکیب الحسن نے اپنی عمدہ کارکردگی کا مظاہرہ کرتے ہوئے ناقابل شکست 96 رنز بنائے۔ انہوں نے پہلے میچ میں پانچ وکٹیں حاصل کیں اور وہ ون ڈے میں بنگلہ دیش کے لئے سب سے زیادہ وکٹ لینے والے کھلاڑی بن گئے۔بنگلہ دیش نے دوسرے ون ڈے میں زمبابوے کو پانچ گیندوں پر تین وکٹوں سے شکست دے کر تین میچوں کی سیریز میں ناقابل شکست 2-0 کی برتری حاصل کرلی۔ بنگلہ دیش کے پاس 241 رنز کا ہدف تھا جو انہوں نے آخری اوور میں حاصل کرلیا۔ انہوں نے سات وکٹوں پر 242 رن بنائے۔ تجربہ کار شکیب الحسن نے اپنی سنچری کارکردگی کا مظاہرہ کرتے ہوئے ناقابل شکست 96 رنز بنائے۔ انہوں نے پہلے میچ میں پانچ وکٹیں حاصل کیں اور وہ ون ڈے میں بنگلہ دیش کے لئے سب سے زیادہ وکٹ لینے والے کھلاڑی بن گئے۔ صرف یہی نہیں، دوسرے ون ڈے میچ میں شکیب نے 109 گیندوں میں 96 رنز بنائے، جس میں 8 چوکے بھی شامل تھے۔ بنگلہ دیش کے اس کھلاڑی نے بولنگ کے دوران 10 اوورز میں 42 رن پر 2 وکٹیں بھی حاصل کیں۔ شکیب نے انٹرنیشنل کرکٹ میں حیرت انگیز ریکارڈ اپنے نام کیا ہے۔ شکیب الحسن بین الاقوامی کرکٹ میں 500 سے زیادہ وکٹیں اور 12000 سے زیادہ رنز بنانے والے دنیا کے دوسرے دوسرے آل راؤنڈر بن گئے ہیں۔ شکیب سے پہلے یہ کارنامہ جنوبی افریقہ کے جیک کیلس نے بین الاقوامی کرکٹ میں کیا تھا۔ جیک کیلس نے اپنے بین الاقوامی کیریئر میں 577 وکٹیں لیں اور وہ 25534 رنز بنانے میں بھی کامیاب رہے۔ شکیب نے اب تک اپنے بین الاقوامی کیریئر میں 12070 رنز بنائے ہیں اور 583 وکٹیں لے چکے ہیں۔
