اسلام آباد : پاکستان کے وزیراعظم شہباز شریف نے ایوان زیریں قومی اسمبلی سے اعتماد کا ووٹ حاصل کر لیا ہے۔شہباز شریف پر اعتماد کے ووٹ کی قرارداد وزیر خارجہ اور پاکستان پیپلز پارٹی کے چیئرمین بلاول بھٹو زرداری نے پیش کی تھی۔قرارداد میں کہا گیا تھا کہ یہ ایوان وزیراعظم کی حیثیت سے شہباز شریف پر مکمل اعتماد کا اظہار کرتا ہے۔قومی اسمبلی کے 180 ارکان نے کھڑے ہو کر وزیراعظم شہباز شریف پر اعتماد کا اظہار کیا۔سپیکر قومی اسمبلی راجا پرویز اشرف نے قرارداد پر رائے شماری کے نتیجے کا اعلان کیا۔
