نئی دہلی: سابق کانگریس صدر راہول گاندھی نے پارٹی کے ‘اسپیک اپ فارکسان ادھیکار’ مہم سے جڑنے کے لئے لوگوں سے اپیل کرتے ہوئے کہا ہے کہ کسان دہلی کی سرحدوں پر اپنے حقوق کے لئے لڑائی لڑ رہے ہیں اور ملک کے شہریوں کوان کے حق کی لڑائی سے جڑنا چاہئے ۔ راہول نے ٹویٹ کیا کہ ملک کے کسان اپنے حقوق کے لئے مودی حکومت کے خلاف ستیہ گرہ کر رہے ہیں ۔ آج پورا ہندوستان کسانوں پر مظالم اور پٹرول ڈیزل کی بڑھتی قیمتوں کے خلاف آواز بلند کر رہا ہے ۔ آپ بھی جڑیں اور اس ستیہ گرہ کا حصہ بنیں۔ واضح رہے کہ کانگریس آج ملک بھر می’کسان ادھیکار دیوس ‘ منارہی ہے اور ریاستوں کے دارالحکومت میں اس کے کارکنان تینوں زرعی قوانین کو واپس لینے کے لئے حکومت پر دباؤ بنانے کے لئے راج بھونوں کا گھیراؤ کر رہے ہیں ۔ کانگریس نے بھی اپنے آفیشل ہینڈل پردہلی کی سرحد پر احتجاج کر رہے ایک بزرگ کسان کا ایک ویڈیو ٹویٹ کیا ہے ، جس میں وہ وزیر اعظم نریندر مودی پر تنقید کرتے ہوئے کہہ رہے ہیں ’’ جو راجہ ہوتا ہے وہ سب عوام کا ماں باپ ہوتا ہے ۔ جس راجہ کو اپنے کوعوام سڑکوں پر دیکھ کردکھ نہیں ہوتا وہ راجہ راج کے قابل نہیں ہوتا ہے ‘‘۔
