نئی دہلی: شہری ہوابازی کے شعبہ میں سرمایہ کاری کی جلد منظوری دینے کے لئے ایک خصوصی سیل تشکیل دیا گیا ہے۔شہری ہوابازی کی وزارت نے آج بتایا کہ وزارت میں جوائنٹ سکریٹری امبر دوبے کو سرمایہ کاری منظوری سیل (آئی سی سی ) کا چیئرمین مقرر کیاگیا ہے ۔اس سیل کی تشکیل کا مقصد ہوابازی کے شعبہ میں سرمایہ کاری کے لئے آنے والی تجاویز کو جلد منظوری دینا ہے ۔اس میں مسٹر دوبے کے علاوہ آٹھ اور رکن ہیں۔سیل کے چیئرمین ضرورت کے مطابق ایک دیگر رکن کی بھی تقرری کرسکتے ہیں۔وزارت نے بتایا کہ یہ سیل سرمایہ کاری کی منظوری کے لئے سنکل ونڈو کی طرح کام کرے گا۔
