حیدرآباد۔ وزیر افزائش مویشیاں ٹی سرینواس یادو نے آج کہا کہ 14 اگسٹ کو شہر میں مزید 25 بستی دواخانوں کا افتتاح انجام دیا جائیگا ۔ انہوں نے بتایا کہ مختلف مقامات پر وزیر آئی ٹی کے ٹی راما راو ‘ وزیر صحت ایٹالہ راجندر وزیر داخلہ محمود علی ‘ وزیر تعلیم سبیتا اندرا ریڈی اور مئیر بی رام موہن ان پروگراموں میں حصہ لیں گے ۔ سرینواس یادو نے عوام پر زور دیا کہ وہ کورونا کا خوف نہ رکھیں ۔ انہوں نے کہا کہ نئے بستی دواخانوں سے یومیہ 2000 مریضوں کو علاج کی سہولت دستیاب ہوگی ۔ اس سے قبل بھی چند بستی دواخانے قائم کئے جاچکے ہیں۔
