حیدرآباد کے لیے بہترین ریٹنگ شیئر کرنے جی ایچ ایم سی کی شہریان سے اپیل
حیدرآباد 12 فروری (سیاست نیوز) جی ایچ ایم سی کے کمشنر نے شہریوں سے اپیل کی ہے کہ معیاری زندگی کے اعشاریہ کے بارے میں مرکز کی طرف سے کئے جانے والے سروے میں حصہ لیں تاکہ اس شہر کے رینک کو بہتر بناتے ہوئے موجودہ تیسرے سے آگے بڑھتے ہوئے پہلا رینک دلایا جاسکے۔ ’میرا شہر میرا فخر‘ شہری سروے 29 فروری تک جاری رہے گا۔ اُنھوں نے شہریوں پر زور دیا کہ بہتر رینکنگ کے لئے مثبت معلومات فراہم کی جائیں۔ کیوں کہ شہریوں کے جواب سے ملنے والی معلومات اور اس کو ملنے والے رینک کی بنیاد پر ہی شہروں کے لئے سرمایہ کاری، معاشی ترقی، ملازمتوں کے مواقع میں اضافہ ہوتا ہے۔ مرکزی حکومت بہتر سہولتوں پر مبنی معیار زندگی کے اعشاریہ اور میونسپل کارکردگی اعشاریہ 2019 ء کے تحت 100 اسمارٹ شہروں اور 114 امرت سٹیز میں جہاں کی آبادی 10 لاکھ سے زائد ہے ، تفصیلات کے حصول کا عمل شروع کرنے کا اعلان کیا تھا جو 29 فروری تک جاری رہے گا ۔ اس سروے میں صحت، ہنگامی خدمات، ٹرانسپورٹ، روزگار، برقی، آبرسانی، تعلیم، خواتین کا تحفظ ، کرایہ مکان، ماحولیات وغیرہ جیسی بنیادی سہولتوں کا جائزہ لیا جاتا ہے۔آپ اپنے شہر کو بہترین شہر کی حیثیت ریٹ کریں ۔ اپنے نظریات شیئر کریں ۔ آپ کی فراہم کردہ معلومات رہنمائی قابل قدر ہوتی ہیں ۔ اس سے ہمارے حیدرآباد میں خوبصورت تبدیلی آسکتی ہے ۔ نیچے دئیے گئے ویب سائٹ پر متعلقہ شہر کا انتخاب کرتے ہوئے اس پر فیڈ بیک دی جائے ۔۔
https://eol2019.org/citizenfeedback
