حیدرآباد28فروری(یواین آئی)شہرحیدرآباد کی مختلف کمپنیوں میں انکم ٹیکس کے عہدیداروں نے دھاوے کئے ۔آج صبح اچانک آئی ٹی کے عہدیداروں کی مختلف ٹیموں نے یہ دھاوے ایک ساتھ 20مقامات بشمول دلسکھ نگر کے گوگی پراپرٹیز کے ہیڈکوارٹرس اور دیگر مقامات پر کئے ۔جن کمپنیوں کی تلاشی لی گئی، ان میں فارماہلز، ونڈرسٹی اور رائل سٹی شامل ہیں۔یہ واضح نہیں ہوسکا کہ آئی ٹی عہدیداروں کی اس کارروائی کی وجہ کیا ہے تاہم بتایاجاتا ہے کہ ٹیکس کی چوری اور دیگر مالیاتی بے قاعدگیوں کے نتیجہ میں یہ چھاپے مارے گئے ۔گذشتہ ماہ آئی ٹی کے عہدیداروں نے شہر کی چاررئیل اسٹیٹ کمپنیوں پر بڑے پیمانہ پر چھاپے مارے تھے ۔وسودھا کمپنی کے صدردفتر ایس آرنگر کے ساتھ ساتھ مادھاپور اور جیڈی مٹلہ کی رئیل اسٹیٹ کمپنیوں پر یہ چھاپے مارے گئے تھے ۔
