ٹورنٹو: برطانوی شہزادہ ہیری اور ان کی اہلیہ میگھن مارکل نے اس ہفتے پاکستان کی نوبل انعام یافتہ ملالہ یوسف زئی کیساتھ مل کر لڑکیوں کا عالمی دن منایا۔ گرل چائلڈ کا عالمی دن اقوام متحدہ کے ذریعہ منایا جانے والا ایک بین الاقوامی دن ہے۔ اسے لڑکیوں کا عالمی دن بھی کہا جاتا ہے۔ یہ دن ہر سال 11 اکتوبر کو منایا جاتا ہے۔عرب نیوز کے مطابق برطانوی جوڑے نے پاکستانی کارکن کیساتھ براہ راست ویڈیو چیٹ میں حصہ لیا اور ’ 130 ملین لڑکیوں کو سکول جانے سے روکنے والی رکاوٹیں اور یہ کیوں ضروری ہے کہ ہم ہر بچی کے سیکھنے کے حق کی حمایت کریں‘ کے موضوع پر بات چیت کی۔میگھن نے گفتگو کے دوران کہا کہ جب نوجوان لڑکیوں کو تعلیم تک رسائی حاصل ہو جاتی ہے تو ہر ایک جیت جاتا ہے اور ہر ایک کامیاب ہو جاتا ہے۔