صدر جمہوریہ ، نائب صدر جمہوریہ ، وزیراعظم اور وزیر دفاع نے قوم کی قیادت کی ۔ فوجیوں کی دلیری اور ہمت کی ستائش
نئی دہلی :نائب صدر جہوریہ ایم وینکئیا نائیڈو نے ہندوستانی فوج کو سلام کرتے ہوئے اتوار کو کہا کہ ملک ان کی بہادری اور ان کے گھروالوں کی ہمت کا قرض دار ہے ۔مسٹر نائیڈو نے ‘یوم فتح کرگل’کے موقع پر ایک سلسلے وار ٹویٹ میں کہاکہ فوجیوں کی سب سے بڑی قربانی نے ملک کے لئے فخر حاصل کیا ہے ۔ نائب صدر جمہوریہ نے کہا ،‘‘آج ‘یوم فتح کرگل’ کی 21 ویں سالگرہ کے موقع پر ہندوستانی فوج کی بہادری کو سلام کرتا ہوں جس کی ہمت اور بہادری نے کرگل کی لڑائی میں،ملک کے لئے فتح حاصل کی ۔’’مسٹر نائیڈو نے کہا،‘‘کرگل کی لڑائی میں شہادت پانے والے فوجیوں کو میرا خراج عقیدت ،جنہوں نے ملک کے اتحاد اور سالمیت کی حفاظت کے لئے اپنی جانوں کی قربانی دی۔ملک ان کی بہادری اور ان کے گھروالوں کی ہمت کے تئیں ہمیشہ قرض دار رہے گ‘‘ ۔ مرکزی وزیر داخلہ امت شاہ نے اتوار کے روز کارگل یوم فتح پر مادر وطن کے تحفظ کے لئے اپنی جانوں کا نذرانہ پیش کرنے والے فوج کے شہیدوں کو یاد کیا۔آج کارگل فتح کی 21 ویں سالگرہ ہے ،اور آج ہی کے دن ہندوستانی فوج نے کارگل میں پاکستانی فوجیوں کو شکست دے کر فتح کا جھنڈا لہرایاتھا۔کارگل جنگ میں مادر وطن کی حفاظت کے لئے اپنی جانوں کا نذرانہ پیش کرنے والے شہدا کو سلام پیش کرتے ہوئے شاہ نے کہا‘‘یوم کارگل فتح ہندوستان کے وقار، حیرت انگیز بہادری اور پرعزم قیادت کی علامت ہے ۔ میں ان بہادروں کو سلام کرتا ہوں جنہوں نے اپنی بہادری سے کارگل کی دشوار گذار پہاڑیوں سے دشمنوں کو بھگا کر وہاں دوبارہ ترنگا لہرایا۔ مادر وطن کی حفاظت کیلئے کے لئے وقف ان ہیروز پرملک کو ناز ہے ’’۔ وزیر دفاع راج ناتھ سنگھ نے کرگل میں پاکستانی فوج کو شکست دے کر ملک کے لئے شہید ہونے والے فوج کے جوانوں کو اتوار کے روز سلام کیا۔آج کرگل یوم فتح کی 21 ویں برسی ہے ۔’صدر جمہوریہ ہند رام ناتھ کووڈ نے اتوار کے روز کارگل جنگ میں ملک کے لئے خود کو قربان کردینے والے فوج کے بہادرجوانوں کو یاد کیا اور انہیں سلام کیامسٹر کووند نے کارگل یوم فتح کے موقع پر ٹوئٹ کرکے کہا ‘‘کارگل یوم فتح ہمارے مسلح دستوں کی بہادری، پختہ عزم اور غیر معمولی شجاعت کی علامت ہے ’’۔انہوں نے لکھا ‘‘میں بہادر فوجیوں کو سلام کرتا ہوں۔ جنہوں نے دشمنوں کا ڈٹ کر مقابلہ کیا اور مادر وطن کی حفاظت کے لئے اپنی جانیں قربان کردیں۔ قوم ہمیشہ کے لئے ان کے اور ان کے کنبے کہ شکر گزارہے ’’۔واضح رہے کہ 26 جولائی 1999 کو ہندوستان کو کارگل جنگ میں فتح حاصل ہوئی تھی، تب سے اس دن کو کارگل یوم فتح کے طور پر منایا جاتا ہے ۔ وزیر اعظم نریندر مودی نے اتوار کے روز یوم کارگل فتح کے موقع فوجی جوانوں کی قربانی کو یاد کرتے ہوئے کہا کہ فوجیوں کی بہادری نسلوں کو متاثر کرتی رہے گی۔یادرہے اسی دن کارگل میں ہندوستانی فوجی دستوں نے 1999 میں پاکستانی فوج کو شکست دی تھی۔مسٹر مودی نے ٹوئٹ کیا‘‘کارگل وجئے دوس پر ہم اپنے فوجی جوانوں کی بہادری اورعزائم کو یاد کرتے ہیں جنہوں نے 1999 میں ہمارے ملک کی مضبوطی سے حفاظت کی۔ ان کی بہادری نسلوں کو متاثر کرتی رہے گی۔ اس پر آج‘من کی بات’ میں ذکر کروں گا’’۔