ممبئی۔17مارچ ۔(سیاست ڈاٹ کام) ملک کے شیئر بازاروں میں کورونا وائرس کا خوف برقرار ہے ۔سنسیکس اور نفٹی مسلسل دوسرے دن فروخت کے دباؤ میں بالترتیب 450 اور 75 پوائنٹس نیچے ہیں۔سیشن کے آغاز میں اگرچہ سینسیکس پیر کے بند 31390.07 پوائنٹس کے مقابلے میں 31611.57 پوائنٹس پر 221.50 پوائنٹس مضبوطی پر کھلا اور بڑھ کر 31831.63 پوائنٹس تک چڑھ گیا۔ کاروبار کے چند ہی منٹ میں بازار میں فروخت بڑھ گئی اور سینسیکس 31000 پوائنٹس سے نیچے لڑھک کر 30980.83 پوائنٹس پر آگیا۔ دن بھر کی ہلچل کے بعد سینسیکس پھر سے مضبوط ہوکر کل کے مقابل 10 پوائنٹ اوپر بند ہوا۔
