دبئی:ابوظبی کے ولیعہد اور یو اے ای کی مسلح افواج کے نائب سپریم کمانڈر شیخ محمد بن زاید ال نہیان کو چین کے صدر شی جن پنگ کا پیغام موصول ہوا ہے۔امارات کی سرکاری خبر رساں ایجنسی وام کے مطابق چینی صدر کا پیغام دونوں ممالک کے درمیان قریبی دوستانہ تعلقات اور جامع سٹریٹجک شراکت داری کو مزید مستحکم کرنے سے متعلق ہے۔ چینی صدر کے نمائندہ خصوصی نے الشاطی محل میں شیخ محمد بن زاید سے ملاقات کے دوران پیغام ان حوالے کیا۔شیخ محمد بن زاید نے جواب میں چین کے صدر کیلئے نیک خواہشات کا اظہار کیا۔ امارات کی حکومت اور عوام کی طرف سے چین کے 71 ویں قومی دن پر دوست ملک چین کی حکومت اور عوام کو مبارک باد دی۔
