حیدرآباد۔ چندرائن گٹہ کے علاقہ پھول باغ میں پیش آئے ایک دلخراش واقعہ میں گرم شیر خرما کا بگونا گرنے سے جھلس جانے والا دو سالہ کمسن لڑکا محمد نبیل فوت ہوگیا۔ پولیس کے بموجب عیدالفطر کے دن شیر خرما کا گرم بگونا اتفاقی طور پر جسم پر گرجانے سے نبیل شدید طور پر جھلس گیا تھا اور اسے دواخانہ عثمانیہ کے برننگ وارڈ میں علاج کیلئے شریک کیا گیا تھا۔ گزشتہ چند دنوں سے علاج کے باوجود بھی وہ زخموں سے جانبر نہ ہوسکا۔
