بھوپال : مدھیہ پردیش کے وزیر اعلی شیوراج سنگھ چوہان کو وزیر اعظم نریندر مودی ، بھارتیہ جنتا پارٹی (بی جے پی) کے صدر جے پی نڈا سمیت کئی مرکزی لیڈروں اور ریاست کے مختلف لیڈروں نے آج ان کی سالگرہ کے موقع پر مبارکباد دیتے ہوئے ان کی صحتمند زندگی کے لئے دعا کی ۔ مسٹر مودی نے ٹویٹ کے ذریعہ لکھا ‘‘ بی جے پی کے جو شیلے لیڈر اور مدھیہ پردیش کے وزیر اعلی شیوراج سنگھ چوہان جی کو سالگرہ کی مبارکباد ۔ انہوں نے اپنی قیادت میں ریاست کو ترقی کی نئی بلندیاں عطا کی ہیں ۔ میں ان کی صحتمند زندگی اور لمبی عمر کے لئے دعا کرتا ہے ’’ ۔ اس کے علاوہ بی جے پی صدر مسٹر نڈا ، لوک سبھا اسپیکر اوم برلا ، مرکزی وزیر داخلہ امت شاہ ، مرکزی وزیر صحت ڈاکٹر ہرش وردھن ، مرکزی وزیر کھیل کرن رجیجو ، وزیر ریلوے پیوش گوئل ، مرکزی روڈ ٹرانسپورٹ وزیر نتن گڈکری ، مدھیہ پردیش کی گورنر محترمہ آنندی بین پٹیل ، ریاستی بی جے پی صدر وشنودت شرما ، سابق وزیر اعلی اور ریاستی کانگریس کے صدر کمل ناتھ ، ریاستی کابینہ کے اراکین اور ریاستی بی جے پی کے لیڈروں نے بھی مسٹر چوہان کو ان کی سالگرہ پر مبارکبادی ۔ مسٹر چوہان نے ٹویٹ کے ذریعے سبھی کا شکرایہ ادا کیا ۔
