پہلی بار افراد کی بجائے حکومتو ں کیخلاف کارروائی کی جائے گی
دی ہیگ : صحافیوں کے قتل کے خلاف قائم کی جانے والی عالمی عدالت ’’پیپلز ٹربیونل‘‘ نے منگل کو نیدرلینڈ کے شہر دی ہیگ میں اپنی باقاعدہ سماعت شروع کردی ہے، اس دوران پہلی دفعہ افراد کے بجائے حکومتوں کے خلاف کارروائی کی جائے گی۔عالمی عدالت کی سماعت میں بطور مبصر شرکت کرنے والے پاکستان کے معروف سینئر صحافی و اینکرپرسن حامدمیر کی ٹویٹ کے مطابق منگل کو سماعت کا باقاعدہ آغاز کرتے ہوئے اپنے افتتاحی کلمات میں برطانیہ کی سرکرہ وکیل او رہیومن جنیٹکس کمیشن(انسانی جینیات کمیشن) کی چیئرپرسن حلینہ کنیڈی نے ہندوستانی وزیر اعظم نریندر مودی حکومت کی جانب سے مقبوضہ جموں وکشمیرمیں 2019ء سے انٹرنیٹ کی باربار بندش پرنکتہ چینی کی ، انہوں نے افغانستا ن میں میڈیا کی آزادی کے خلاف طالبان پالیسیوں کی بھی مذمت کی، حلینہ نے کہا کہ ہمیں صحافیوں کے قتل کی تفصیلی اور موثر تحقیقات شروع کرنے کی خاطرایک مضبوط تحقیقاتی ٹاسک فور س کی ضرورت ہے۔حامد میر کی ایک اور ٹویٹ کے مطابق پیپلز ٹربیونل کی سماعت کے دوران پاکستانی صحافی زبیر مجاہد کے قتل سے متعلق رپورٹ بھی پیش کی گئی ،پاکستانی صحافی زبیر مجاہد کو 23 نومبر2007 کو سندھ کے میرپور خاص ضلع میں قتل کیا گیا تھا ا ور 4سال گزرنے کے باوجود بھی اسے انصاف نہ ملا،زبیر مجاہد کے قتل میں ایم کیوایم کے ملوث ہونے کا شبہ ہے۔
