واشنگٹن: سابق امریکی صدر ڈونالڈ ٹرمپ نے ریاست آئیووا کے کاکسز میں بھاری اکثریت سے کامیابی حاصل کرکے نومبر میں ہونے صدارتی انتخابات میں امریکی صدر جو بائیڈن کو چیلنج کرنے کیلئے بطور ریپبلکن امیدوار اپنی حیثیت کو مزید مستحکم کرلیا۔غیر ملکی خبر رساں ادارے کی رپورٹ کے مطابق سخت سردی کے باوجود آئیوا کاکس میں ری پبلکن پارٹی کے رہنماؤں اور کارکنوں نے نومبر کے صدارتی الیکشن میں اپنا امیدوار چننے کیلئے بحث و مباحثے میں حصہ لیا اور ووٹ ڈالے ۔ووٹنگ کے دوران سابق صدر ڈونالڈ ٹرمپ 70 فیصد ووٹوں کے ساتھ سر فہرست رہے جب کہ ری پبلکن پارٹی میں رنر اپ امیدوار کیلئے ووٹنگ آئندہ ہفتے نیو ہیمپشائر میں ہوگی۔امریکی صدر بائیڈن نے منگل کو سابق صدر ڈونالڈ ٹرمپ کی آئیووا میں جیت پر تبصرہ کرتے ہوئے کہا کہ اس سے ثابت ہوتا ہے کہ وہ ریپبلکن نامزدگی کا ٹکٹ حاصل کرنے کے سب سے زیادہ مقبول اور متوقع امیدوار ہیں۔