بلاس پور: صدر جمہوریہ دروپدی مرمو نے جمعہ کو چھتیس گڑھ کے بلاس پور ضلع کے رتن پور میں واقع تاریخی آدی شکتی ماں مہامایا دیوی کا دورہ کیا اور رسومات ادا کرنے کے بعد ملک کے باشندوں کی خوشی، خوشحالی اور بھلائی کے لیے دعا کی۔ ماں مہامایا دیوی کے درشن کے لیے کسی صدر کی آمد کا یہ پہلا موقع ہے ۔ اس موقع پر صدر کے ساتھ گورنر وشو بھوشن ہری چندن، وزیر اعلی بھوپیش بگھیل، قبائلی ترقی کی مرکزی وزیر مملکت رینوکا سنگھ اور دیگر لیڈران اور مندر کمیٹی کے اراکین موجود تھے ۔ قبل ازیں مرمو فضائیہ کے خصوصی ہیلی کاپٹر کے ذریعے رائے پور سے بلاس پور پہنچیں اور یہاں سے سیدھے رتن پور روانہ ہوئیں۔ مرمو کی آمد کے پیش نظر آج مہامایا دیوی کو شاہانہ انداز میں سجایا گیا تھا۔ دنیا کے مشہور شکتی پیٹھ میں، ماتا رانی کی خصوصی شاہی سجاوٹ سال میں تین مواقع پر کی جاتی ہے – شاردیہ نوراتری، کنور نوراتری اور دیوالی۔ یہ 1042 میں دیوی مندر کے قیام کے بعد پہلی بار ہوا، جب مہامایا دیوی جی کا شاہی میک اپ ایک خاص موقع پر الگ اندازسے کیا گیا تھا۔ صبح آٹھ بجے سے صدر کے مندر جانے کے بعد واپس آنے تک مندر میں عام لوگوں کے داخلے پر پابندی تھی۔
