واشنگٹن ۔7 جون ۔(سیاست ڈاٹ کام) امریکی صدر ڈونالڈ ٹرمپ نے جارج فلائیڈ کی موت کے بعد ہورہے احتجاجی مظاہروں کو بہتر طریقے سے قابو کرنے کیلئے واشنگٹن پولیس اور نیشنل گارڈ کا شکریہ ادا کیا ۔ٹرمپ نے ہفتے کو ٹویٹ کرکے کہاکہ واشنگٹن میں امید کے مطابق کم بھیڑ رہی۔نیشنل گارڈ ،سیکریٹ سروس اور واشنگٹن پولیس کا کام شاندار رہا ہے ۔شکریہ ۔ واشنگٹن ڈی سی کی سڑکوں پر ہفتے کو ہزاروں لوگوں نے لنکن میموریل اور وائٹ ہاؤس کے پاس ریلیوں کا انعقاد کیا اور کیپیٹول اور محکمہ خارجہ کے سامنے مارچ کیا۔اسپوتنک کے ایک نامہ نگارکے مطابق امریکی دارالحکومت میں ہفتے کا مظاہرہ اب تک کا سب سے بڑا احتجاجی مظاہرہ ہوسکتا تھا۔نامہ نگار کے مطابق پولیس ہفتے کو واشنگٹن میں پرامن کام کررہی تھی۔نیشنل گارڈ کے فوجیوں کے ساتھ ساتھ افسر بھی جائے وقوع پر موجود تھے لیکن وہ فسادات کے وقت پہنے جانے والے پوشاک کے بجائے سادی وردی میں تھے اور انہوں نے لوگوں سے اچھے انداز میں بات چیت بھی کی۔اس ہفتے کی شروعات میں واشنگٹن میں ہوئے پرتشدد مظاہروں میں زیادہ سے زیادہ تجربہ کرنے کی وجہ سے سکیورٹی دستوں پر کافی تنقید ہوئی تھی۔
