نئی دہلی: بی جے پی صدر جگت پرکاش نڈا نے جمعرات کو کانگریس رہنما راہول گاندھی پر طنز کرتے ہوئے کہا کہ ‘شہزادے ’ کو ہندوستان کی کسی بھی چیز پر بھروسہ نہیں ہے ،تو وہ اپنے ’سب سے بھروسے مند ملک‘ پاکستان کی ہی سن لیں۔نڈا نے آج ٹویٹ کرکے کانگریس پر زوردار وار کرتے ہوئے کہاکہ کانگریس کے شہزادے کو ہندوستان کی کسی بھی چیز پر بھروسہ نہیں ہے ، چاہے وہ فوج ہو،حکومت ہو یا ہمارے لوگ ہوں۔ تو وہ اپنے ‘سب سے بھروسے مند ملک ’ پاکستان کی ہی سن لیں۔امید ہے کہ اب تو ان کی آنکھیں کھلیں گی۔انہوں نے آگے لکھا،‘‘کانگریس اپنی ہی مسلح افواج کو کمزور کرنے کی مہم یں لگی رہی۔ کبھی ان کا مزاق اڑاتی رہی تو کبھی بہادری پر شبہ ظاہر کرتی رہی۔ہر قسم کی چالبازی کی تاکہ فوج کو جدید رافیل نہ مل سکے۔لیکن ملک کے عوام نے ایسی سیاست کو مسترد کرکے کانگریس کو سخت سبق سکھایا ہے ۔