نئی دہلی، 14 جنوری (یو این آئی) صدر جمہوریہ دروپدی مرمو جمعرات کے روز پنجاب اور راجستھان کے دو روزہ دورے پر روانہ ہوں گی۔ صدر جمہوریہ کی سکریٹریٹ نے بدھ کے روز کہا کہ صدر محترمہ جمعرات کے روز امرتسر میں گرو نانک دیو یونیورسٹی کے 50ویں سالانہ کنووکیشن میں شرکت کریں گی۔ جمعہ کے روز صدر جمہوریہ ڈاکٹر بی آر امبیڈکر نیشنل انسٹی ٹیوٹ آف ٹیکنالوجی، جالندھر کے 21ویں کنووکیشن میں شرکت کریں گی۔ اسی روز، وہ جے پور میں رمانند مشن کے زیر اہتمام 1008 کنڈیہ ہنومان مہایگیہ میں بھی شرکت کریں گی۔