اندور: مدھیہ پردیش کا اندور صدر دروپدی مرمو کی سادگی اور انکساری کا اس وقت قائل ہو گیا جب مسز مرمو نے ہینڈی کرافٹ ایمپوریم ’مرگنینی‘کی خاتون ملازمین کے ساتھ بے ساختہ بات چیت کے دوران ملازمین سے کہا کہ وہ خود ہی کوئی ہلکے رنگ کی مہیشوری ساڑھی کا انتخاب کرکے دے دیں۔مدھیہ پردیش میں اپنے قیام کے پہلے دن کل صدر جمہوریہ شریمتی مرمو نے مرگنینی ایمپوریم میں ہینڈلوم پر بنی ساڑھیوں کو دیکھا اور ان کی فنکاری کو دیکھ کر خوش ہوئیں۔ انہوں نے وہاں کام کرنے والی خاتون ملازمین سے ساڑھیوں کے ناموں اور نمونوں کے بارے میں معلومات لی۔ اس پر انہیں چندیری، مہیشوری، کاٹن اور ریشمی ساڑیاں دکھائی گئیں اور ان کے بارے میں تفصیل سے بتایا گیا۔اس دوران صدر نے بہت آرام سے بات چیت کرتے ہوئے وہاں موجود خاتون ملازمین سے کہا کہ وہ ان کیلئے اپنی پسند کی ہلکے رنگ کی ساڑھی کا انتخاب کردیں۔ اس پر خاتون ملازم سریتا گوہاڑے کو ہلکی گلابی مہیشوری ساڑھی پسند آئی۔ صدر مرمو نے بھی کاؤنٹر پر جاکر اس ساڑی کیلئے یو پی آئی کے ذریعے ڈیجیٹل ادائیگی کی۔اس موقع پر چیف منسٹر ڈاکٹر موہن یادو نے ریاست کی جانب سے صدر جمہوریہ کو چندیری ساڑھی بھی پیش کی۔
