واشنگٹن: امریکہ میں 1988 میں صدارتی انتخابات کے دوران امیدواروں کے درمیان بحث منعقد کرانے والا آزاد ادارہ کمیشن آف پریسیڈنشیل ڈیبیٹس نے صدر ڈونالڈ ٹرمپ اور صدر کے عہدہ کے امیدوار جو بائیڈن کے درمیان باقی بچے دو بحثوں کے انعقاد کو یقینی بنانے کیلئے بحث کے فارمیٹ میں تبدیلی کرنے کا فیصلہ کیا ہے ۔بی بی سی کی رپورٹ کے مطابق سی پی ڈی نے کہا ہے کہ مسٹر ٹرمپ اور مسٹر جو بائیڈن کے دوران تنازعہ کے پیش نظر بحث کے فارمیٹ میں تبدیلی کی ہے ۔ ان تبدیلیوں کے تحت اگر دونوں امیدوار ایک دوسرے کو روکنے کی کوشش کرتے ہیں تو مائیکروفون کو ڈسکنیکٹ کرنے کا ایک طریقہ ہوگا۔سی پی ڈی نے یہ فیصلہ منگل کو ہوئے بحث کے بعد لیا جس میں امیدواروں کے درمیان جھگڑا، ایک دوسرے کو تذلیل کرنا اور چیخنا چلانا جیسا رویہ سامنا آیا۔ بہت سے لوگوں نے اسے اب تک کا سب سے خراب بحث میں سے ایک قرار دیا اور امریکہ سمیت پورے دنیا میں اس پر تنقیدیں کی جارہی ہیں۔اسی طرح چہارشنبہ کو ہوئے بحث میں ٹرمپ نے بائیڈن کی ذہانت پر سوال کیا جبکہ مسٹر بائیڈن نے انہیں جوکر کہتے ہوئے کہا کہ ‘‘کیا آپ چپ رہیں گے ، آدمی’’۔ذرائع کے مطابق سی پی ڈی اگلے 48 گھنٹوں میں اگلی بحث کیلئے نئے رہنما اصول طے کرے گا۔