ماسکو۔ روس کے صدر ولادیمیر پوٹن کی مبینہ گرل فرینڈ اور ان کے دو بچوں کی والدہ علینا کبایوا سے پوٹن کو حملے کرنے سے روکنے پر قائل کرنے کا زور بڑھنے لگا۔ غیر ملکی میڈیا رپورٹس کے مطابق علینا کبایوا کو اْن کی سہیلیوں نے ماسکو جا کر صدر کو جنگ کے خاتمہ کے لیے قائل کرنے کے لیے کہا ہے۔ رپورٹ میں ایک ذرائع کا حوالہ دیتے ہوئے انکشاف کیا گیا کہ علینا کی خواتین سہیلیاں انہیں پوٹن کے پاس جا کر انہیں جنگ ختم کرنے پر آمادہ کرنے کی منتیں کر رہی ہیں۔ سہیلیوں کی جانب سے کہا جارہا ہے کہ پوٹن کسی کی بات نہیں سْن رہے، شاید وہ اپنی محبوبہ کی بات مان لیں اور یوکرین میں جنگ بندی کا اعلان کردیں۔ ایسے میں علینا کا کہنا ہے کہ ان حالات میں صدر پوٹن کے ارد گرد سیکورٹی غیر معمولی ہوگی، انہیں نہیں معلوم کہ آیا وہ صدر پیوٹن سے ملاقات بھی کرسکتی ہیں یا نہیں ، اگر ملاقات ہوجاتی ہے اور وہ قائل بھی ہوجاتے ہیں تو اس کے لیے انہیں بھاری قیمت ادا کرنی پڑ سکتی ہے۔ علینا نے کہا کہ وہ نہیں جانتی کہ صدر پوٹن سے ملاقات کے بعد آیا وہ اپنے بچوں کے ساتھ رہنے کے لیے دوبارہ باہر نکل سکیں گی یا نہیں، یہ کہنا قبل از وقت ہوگا۔ خیال رہے کہ علینا اولمپک گولڈ میڈل جیتنے والی ایتھلیٹ ہیں، علینا کے مبینہ طور پر پیوٹن کے ساتھ 4 بچے ہیں۔
