لندن28 ستمبر(یو این آئی )جب کوئی بیاٹر رن بنائے بغیر صفر پر آؤٹ ہوجائے تو کرکٹ کی اصطلاح میں اسے Duck کہا جاتا ہے۔ ٹی وی اسکرین پر بھی ایسے موقع پر بطخ کی تصویر دکھائی جاتی ہے۔یہ اصطلاح بطخ کے انڈے سے منسوب ہے ، کیونکہ انڈہ کی شکل صفر جیسی ہوتی ہے ۔ 1866میں تاریخی واقعہ پیش آیا جب پرنس آف ویلز ایک میچ میں صفر پر آؤٹ ہوئے۔ اگلے دن اخبار نے لکھا کہ وہ ’بطخ کے انڈہ پر سوار ہو کر‘ پویلین لوٹ گئے ۔ یہ جملہ اتنا مقبول ہوا کہ اس کے بعد ہر اخبار میں یہی اصطلاح استعمال ہونے لگی اور تب سے کرکٹ میں لفظ ’ڈک‘ عام ہوگیا۔
