میڈرڈ۔6 نومبر (سیاست ڈاٹ کام ) فٹبال پریمئر لیگ میں سوپر سٹار لیونل میسی اور محمد صلاح کے پرستار مایوسی کا شکار ہو گئے کیونکہ وہ کوئی گول نہ کر سکے، بارسلونا کا میچ بے نتیجہ ختم ہوا۔ لیورپول نے جینک کو 2-1 سے ہرا دیا۔ اپنے ہوم گراؤنڈ کیمپ ناؤ میں اپنے ہی شائقین کے سامنے بارسلونا hسٹارز چمکے، سلیویا پریگ جیسے کمزور حریف نے سخت مقابلہ دیا۔ سرتوڑ کوششوں کے باوجودکوئی گول نہ ہو سکا۔ سوپراسٹارلیونل میسی کا جادو نہ چل سکا۔ 2012 کے بعد ٹیم بارسا اپنے ہوم گراؤنڈ پر گول کرنے سے محروم رہی۔ دوسرے میچ میں گروپ ای کی ٹیمیں لیورپول اور کے آر سی جینک مدمقابل ہوئیں، 14ویں منٹ ریڈ برگیڈ کو برتری ملی جو چالیسویں منٹ پر ختم ہوئی۔ دوسرے ہاف میں کھیل تو تیز ہوا لیکن فٹبال ہیرو محمد صلاح سست نظر آئے اورکوئی گول نہ کر پائے۔ ترپن ویں منٹ کا گول لیورپول کے لیے فیصلہ کن ثابت ہوا اور 2-1 کی کامیابی سے لیورپول نے کچھ راحت کی سانس لی۔
