واشنگٹن، 22 اکتوبر (سیاست ڈاٹ کام) امریکہ کے وزیر خارجہ مائیک پومپیو نے کہا کہ ضرورت پڑنے پر صدر ڈونالڈ ٹرمپ ترکی کے خلاف فوجی کارروائی کرنے کے احکامات صادر کے لئے پوری طرح تیار ہیں۔مسٹر پومپیو نے مقامی میڈیا کو دیے انٹرویو میں کہا کہ امریکی حکومت کسی بھی صورت حال میں پرامن حل چاہتی ہے ۔ تاہم ضرورت پڑی تو صدر ٹرمپ کسی بھی فوجی کارروائی کا حکم دینے کے لئے پوری طرح تیار ہیں ۔رپورٹ کے مطابق مسٹر پومپیو نے حالانکہ اس بات کی تصدیق نہیں کی کہ امریکہ کس قسم کی فوجی کارروائی کر سکتا ہے۔ واضح رہیکہ امریکی خارجہ پالیسی میں تبدیلی کر کے شمال مشرقی شام سے امریکی فوج ہٹانے کے فیصلے پر صدر ٹرمپ کو تنقید کا سامنا کرنا پڑ رہا ہے ۔